Мала промена. Оригиналната идеја на новата рубрика беше еднаш неделно да пишувам за нешто ретардирано што сум сретнал во текот на таа недела, ама благодарение на вас имам преполно сандаче со линкови кои не можат да чекаат.

Па затоа идеме со оваа вест од денешното издание на Вест. Во печатеното/електронското изданиe ја има целосната приказна што во кратки црти ќе ви ја прераскажам.  Мора да напоменам дека го купив електронското издание на Вест за да ја прочитам целата приказна. Потрошив 10 денари за да читам како ДВЕ СЕСТРИ СЕ СТЕПАЛЕ ДОДЕКА ИМАЛЕ СЕКС ВО ТРОЈКА СО ТИП. Толку ниско не сум паднал од времето кога недела дена не јадев на голем одмор за да можам да купам dial-up картичка за интернет пристап од mtnet со доволно минути за спуштање на видеото каде што и се гледаат цицките на Фиби од Волшебнички.

Таа во средина

Сестрите (30 и 32 години) се степале бидејќи нивниот љубовник Мики од Крива Паланка, повеќе внимание обрнувал на постарата. Откако малата се нафурала поради недостатокот на курац, почнала крвнички да ги тепа остананите две третини од тројката. Летале тупаници, шишиња, сервиси за ручавање, трозабци. Толку многу ескалирала ситуацијата што едната завршила во болница со скршени заби и исеченици по главата по што претпоставувам првото нешто што го направил дежурниот доктор е праќање на смс до случаен новинар со текстот "ОМГ нема да веруваш што се случи". 
Во моментот кога ја пишувам ретардацијава, текстот во Вест е прегледан околу 43.000 пати, тоа е десет пати повеќе од тексот за перцата на младото кромитче. Чисто за споредба на мојот блог ќе му треба пола година за да ја достигне таа бројка . Да ја занемариме опседнатоста на македонскиот народ со циркус приказни, еве што мене ме интересира бидејќи не сум се нашол во слична ситуација:

• Како секс кој ја вклучува сестра ти е добра идеја?
• Дали сестрите имале меѓусебна интеракција додека траела предиграта?
• Што може Мики (или постарата сестра) да направи за на помалата да не и е досадно?
• Дали Мики може да биде гостин во емисијата каде што гостуваше Кили, имам пар прашања што сакам да ги поставам на ФБ групата?
• Дали ова не е заплет од рангот на тотално ненаместенато српско реално шоу "Прељубници"?
• Како следниот пат кога ќе одам во болница со "срамна" приказна да избегнам појавување на насловна страна во весник?

Меѓутоа најретардираното од се е што моите (читај: вашите) родители кога ќе го прочитаат овој новинарски текст ќе ми речат: "Во наше време вакви нешта немаше". Немој не ме радуј. Единственото нешто што е различно денес е што докторите/медицинските сесетри/брзата помош имаат новинар во именикот на својот мобилен телефон.

Започнуваме со нова неделна рубрика и како за почеток погледнете ја фан страната на турската серија Љубов и Казна.Прво нешто што ќе ви падне во боде очи е најлошата фотомонтажа откако се појавија торенти за Photoshop. Види го тоа срање, изгледа како слики од сунет свеченост кои се вртат на БТР. Толку е ретро сликава што ми бараше Windows 98 за да ја отворам.
Странава е создадена единствено за собирање на лајкови каде што случајно е избрана некоја серија што моментално се прикажува за да се максимизира ефект. Нема никакви информации карактеристични за фан страни туку само масовен лајк фест:

• Wall - Претежно се само постови каде што се посакува добро утро/вечер, се поставуваат рандом слики и се наведува колку точно лајкови треба да се соберат. На некои пишува само факинг "онлајн лајк" 70-тина луѓе веднаш кликаат лајк бидејќи очигледно коефициентот на интелигенција опаѓа со опаѓањето на температурата во зима
• Добредојде ! - Како може да ми се допаѓа нешто што го немам прочитано? Тоа е како да треба да кликнете лајк за да може да го читате ова. Нема логика, ако ти се допаднало препорачај го на пријателите, во спротива изеди гомна на ФБ и префрли се на нешто што ти се допаѓа. Чиста сметка.
• Добиј Администратор! - Честитки, ги извршивте сите чекори и сега добивте администратор. Што ќе правите со новиот администратор? Ќе го сакате, бањате и ќе му готвите? Или стануваш администратор или добиваш администраторски права, како може да добиеш администратор? (добар изговор за девојки: Душо не можам вечерва, само што добив администратор)

О писменех

• Вратете си го најстариот ЧЕТ ! - Ако сакате вашиот профил да го претворите во масовен спам сервер слободно следете ги чекорите
• За серијата - 7 реда опис и пар слики е единственото нешто што ќе го најдете поврзано со серијата

Ако ништо друго барем не се обидуваат да сокријат која превара е ова. Си имаш поштено ценовник за колку лајкови треба да добиеш за да земеш флеш меморија од 24GB.

Најдобар момент: Расправијата за чив син е Омер.
Бонус: Имаат и профил.

Многу мудро сум ги избрал пријателите

Идејата на оваа рубрика е зголемена интеракција со читателите. Слободно во коментарите споделете нешто што сте го сретнале по интернетот и ви изгледа максимално ретардирано или пак предложете идеја за хејтање на Tweeter (@MedoDimoski), на ѕид на ФБ или кога ќе ме видите по градов.

Во случај да не сте забележале од спамот на вашиот ФБ ѕид или од рекламите помеѓу две напнати сцени од турска серија се ближат празниците. Многу ги мразам празниците. “Медо? Има нешто што мразиш? Јас мислев дека си едно големо гушлесто меченцуленцуле”.

Гушлесто во поширока смисла на зборот

Жалам што ќе ве разочарам дами ама зад мојата кревка надворешност се крие длабоко огорчен човек. Меѓутоа не сум само јас, секој што го чита постов отворено или потајно ги мрази празниците како што центарско дете мрази јавен транспорт. Еве зашто (надополнето со честитки):

Постои една поговорка која тврди дека напредокот е бавен процес. Поговорката секако ја научив додека го слушав 50 Cent и се надевав дека некој ден и јас ќе бидам член на PLD.

Никогаш не сфатив зашто P.I.M.P. е акроним

Многу тешко ми паѓа кога ќе излезам во град, ќе се прошетам малку и ќе видам работи што или требало да изумрат пред десет години или никогаш не требало да се донесат на овие простори. Уште потешко ми паѓа кога следниот ден ќе излезам и повторно ќе ги видам истите работи (ја видов вчера беше дебела, ја гледам денес пак е дебела).
Еве неколку нешта кои мора наскоро да изумрат: