Ако порано сте почнале со пиење за празниците и не се сеќавате, минатата недела објавив блог пост со кој сакав да ве поттикнам да споделите дел од вашата среќа со помалку среќните.
Епа имам одлични вести! Сите дечиња кои дел од денот го поминуваат во дневниот центар во Шутка добија свој Дедо Мраз благодарение на вас :)))

Дозволете да ве гушнам како што ме гушна Сенада кога го виде новиот ранец

Здраво читатели. Долго време не сум напишал статија и знам дека ви фали средношколскиот хумор, сексуалните референци и очигледните, очајнички обиди да се допаднам на спротивниот пол.
Епа ќе продолжи и понатаму да ви фали бидејќи го баталив блогот за сметка на TweetsPie, но секогаш ќе се навраќам кога ќе има добра причина за тоа. А сега има одлична причина да напишам една статија:

Вчера го слушнав муабетот кој веќе го имав во мојата глава, меѓутоа никогаш не ги споив малите делчиња. Моментот на откровение кога ќе ја погледнеш таблата со сите залепени картички и исечоци од весници и сфаќаш дека Кили е Кајзер Созе!

Будалата кој цело време е мозокот на операцијата

Слушнете ја приказнава.
Човек. Има рак. Знае дека ќе заврши како неговите родители. Решава тоа да го искористи.
Ви звучи познато? Можеби затоа што е. Breaking Bad, Saw и секој филм од листава се дел инспирирани од големите дела кои е способен да ги направи човекот кој си го знае крајот.

Кили не го фатија. Кили дозволи да биде фатен. Дозволи да биде маченик за да го направат светиња. Но зашто?
За да стане заштитното лице. За да стане ликот кој во некоја среќна иднина ќе го гледате во декриминализираните кофи шопиви како човекот кој умрел за нашите кривични дела. За да го почне движењето.

Се е тука. Харизматичен борец за легализација кој има сериозна болест и никогаш во животот не бил насилен. Брат кој знае дека љубовта према семејството е поголема од било кој закон. Корумпиран систем на специјални единици кои го продаваат тоа што се платени од парите на народот да го спречат. Како да не го сакаш Кили? Ова е филмски рецепт за успех.

Погледнете ја групава. 5500 луѓе од кои несомнено повеќето знаат дека законски Кили е криминалец и дебело ќе го јаде и дури системот да не е крајно исполитизиран, ја дале својата поддршка затоа што можат да се поврзат со неговата приказна. И илјадници други твитнаа на темата, направија мемиња, го споделија своето искуство, искуствата со другите земји кои успешно ја декриминализирале и одеднаш марихуаната не е оној демон кој одзема животи, туку нешто за кое правиме заебанции затоа што е забавно.

Дента кога го уапсија Кили за прв пат разговарав со моите родители за здравствените, економските и социолошките придобивки и ризици од рекреативната и медицинската уптреба на марихуаната. Многу луѓе го направија истото. И тоа е аманетот што го остави Кили. Тоа што се случува во вистинскиот свет е сосема различно од онаа реалност која сакаат да ја наметнат нашите избраници преку масовните медиуми и крајно време е да поченеме да разговараме на таа тема. Затоа го читате овој пост, затоа што планот на Кили успеа. Затоа и вие треба да споделите!

Верувале или не, во животот имав неколку врски со девојки кои сè уште многу ми значат и кои масовно пропаднале, како што можете да насетите од насловот, благодарение на грешките што ги направив. И тоа овие не се грешки кои ќе ги направиш еднаш, ќе ја научиш лекцијата и никогаш нема да ги повториш, 

Како јадење во Вили на трезно.

туку грешки кои бараат ненормална енергија, дисциплина и искуство за да ги забележиш пред да ги направиш повторно, грешки кои не се гледаат од километар како економскиот план на нашата Влада, грешки кои се дел од твојот карактер, дел од нејзиниот карактер и грешки кои се инспирација за песнава и се толку чести што ако гуглате на темава ќе најдете 200 статии кои се преведени од вашиот локален портал.