Уште еден предлог закон во серијата нездраворазумени предлог закони на нашата влада.
Во моменталанта верзија само одличнните и примерните ученици ќе имаат право да полагаат возачки испит на 16 години.

Не можам да се помирам со фактот што владата продолжува да носи одлуки според детска логика.
Замислете дека имаме дрво кое не дава многу плодови. Од општа култура знаеме дека ако дрвото редовно го наводнуваме, тоа побрзо ќе расте и со тоа ќе даде повеќе плодови.
Детската логика е дрвото да го поплавиме, за инсантно да израсне.
Иако ова е интуитивно решение, во реалниот свет резултира со умирање на дрвото.

Луѓето кои ги составувале овој закон од општа култура знаат дека соодветна награда резултира со зголемен труд и според нивната (детска) логика, лошите ученици ќе работат на својот успех за да добијат награда во вид на возачка дозвола.

ОВА Е НАЈГОЛЕМИОТ ИДИОТИЗАМ ШТО МОЖЕ ДА ПОСТОИ,

бидејќи докажува дека творците на законот имаат основно непознавање на човековата психологија и интеракција.
Слабиот успех на учениците не е резултат на непостоењето на соодветна награда, туку екстремно сложена равенка со променливи како:

• социјален статус
• економска моќ на семејството
• правилно воспитување
• психо-физичка состојба
• чувство на љубов и прифаќање 
• трауми од детството

Помислата дека издавање возачка на 16 години само ако си примерен ќе влијае на успехот е ЕБАНА ДЕТСКА ЛОГИКА, бидејќи не решава ниту еден од проблемите кои се причина за слабиот успех. Се третираат симптомите наместо да се лечи болеста.  Го полавуваме дрвото со надеж дека ќе добиеме повеќе плодови.

Се што може да направи овој закон, за кој се молам да не помине во оваа форма е да го продлабочи јазот помеѓу учениците бидејќи е дискриминирачки.
Исто како законот за патриотските фискални сметки со кој се фаворизираа македонски производи.
Дали му треба на нашето општество уште една основа по која ќе можеме да се делиме?

Образовиниот систем во оваа форма не функционира. За разлика од нашето општество, образовниот систем премногу бавно се менува бидејќи продолжуваме да имплементираме "решенија" кои иако звучат интуитивно, немаат никаква научна основа и наместо да носат резултати вршат сегрегацијата на општеството.
Можеби во главата на творците на овој закон примерните ученици имаат помали шанси да бидат непримерни возачи, меѓутоа способноста за управување на моторно возило не е во директна корелација со академскиот успех.
Стив Џобс, Бил Гејтс, Алберт Ајнштајн, Никола Тесла и ред други луѓе кои го промениле светот имале слаб успех во училиште бидејќи учеле во систем чие оценување не дава реална слика за способностите на еден човек. Систем кој и покрај тоа што е неефискасен и дискриминирачки упорно го спроведуваме, бидејќи сеуште се водиме според (детска) логика каде казнувањето за неуспех и ветувањето на соодветна награда во спротивно секогаш резултира со зголемен успех.
Нееднаквоста произведува фрустрации:

• Скопските матуранти се гневни што државната матура многу полесно се положува во другите градови каде што професорите им поткажуваат на учениците.
• Човек со ментален хендикеп е гневен бидејќи не му е дозволено да влезе во дискотека.
• Човек кој е експерт во својата струка е гневен што треба да поседува партиска книшка за да го работи тоа што го сака/знае.

Интуитивното решение на проблемите е учи повеќе ако си од Скопје, стани нормален ако си ментално хендикепиран и извади партиска книшка ако немаш бидејќи само ако бидеш еднаков ќе бидеш конкурентен. Меѓутоа ова не е решение бидејќи не го елиминира проблемот.
Тоа што владата не успева да согледа е дека проблемот не би постоел АКО НЕ БИ ПОСТОЕЛА ДИСКРИМИНАЦИЈАТА. Дали е тоа според твојата вера, националност, сексуална ориентација, политички ставови или ебан успех во средно училиште.

Секој без исклучок треба да има шанса да полага возачки испит доколку тоа го сака и дозволата треба да се добива исклучиво врз способноста на кандидатот да управува со ебаното возило. Сите ограничувања кои за едни важат, за други не важат и немаат никаква врска со способноста човекот да стигне од точка А до точка Б со своето возило без да прегази пола град се ДИСКРИМИНИРАЧКИ.

Ако сеуште мислите дека законот е добар, запрашајте се дали следново сценарио е добра идеја:
"Дали би поддржале закон во кој 16-годишните учениците ќе можат да купат алкохол ако на продавачот покажат свидетелство со одличен успех? Нели, тие се одлични ученици, свесни за последиците од злоупотреба на алкохолот и совесно ќе го консумираат. Од друга страна пак, лошите ученици кои сакаат да се начукуваат ќе почнат да учат повеќе за сето тоа да биде легално."
Ако одговоривте да, тогаш честитки најверојатно сте го пишувале предлог законот за возачка дозвола на 16 години и дефинитивно не поседувате ни ронка здрав разум.

Зашто за промена не донесете предлог закон каде што образовниот систем ќе се трансформира во нешто што ја поттикнува креативноста, систем во кој учителите ќе можат да се посветат на образовниот процес наместо да се грижат за тоа дали ќе можат да го протуркаат месецот, а учениците ќе живеат ослободени од константниот страв дека следното испрашување може да им го уништи целиот живот бидејќи нема да можат да се запишат на факултетот што го избрале?

Секоја појава која има скеч од К-15, песна од Џемо Биљбиљ и видео од Токсикологија е доволно популарна за поголемиот дел од популацијата погрешно ја разберат.
Боди билдингот т.е. фитнесот или одењето во теретана денес е толку општа појава што понекогаш не знам дали сум во теретана или на час по физичко на I-3 паралелката од СУГС Никола Карев.

После ќе се шират Педо Медо муабети

Како повеќето и јас почнав многу рано да вежбам, за пред некоја година да увидам дека сум потрошил залудно време и пари, бидејќи сум ги слушал следниве бабини деветини поврзани со боди билдингот:

Најпаметната одлука што сум ја донел е пренесувањето на телевизорот од мојата соба во Дрисла. Во спротива ќе требаше дневно да објавувам по 24 "Ретардации на денот".
За среќа тука е мојот пријател Викса, кој с времена на вријеме ќе ме потсети што пропуштам.

Запознајте се со македонските талкачи!

Обично би го ставил видеото во постот за да можете да ме следите што ќе коментирам, меѓутоа не можам да го најдам на YouTube.
Исто така во совршен свет јас би додал титлови со моите коментари, ама бидејќи ги немам правата ќе мора да одиме со старомоден начин во облик:

[време] - Коментар од водителите/гостите - мој коментарНајпрактично е на пола екран да ја отворите емисијата од линкот, додека на другата половина да ги читате коментарите .

Спремете се за КУЌАТА НА СТРАВОТ! (Супер масив блек хол)
[0:58] - Кате, Талкач - Бранко, Државник
[1:48] - Има некој според мое мислење - Локален експерт за духови ги предупредува водителите
[2:02] - Духови лупаат - Веќе станува интересно (драматична музика)
[2:22] - Дојдовме еден ден порано за да истражиме каде точно можеме да влеземе - Влегувате во куќа во Црниче без ограда, сигурно нема преку катакомби да влезете
[2:36] - На земјата видовме и многу шприцови - Ете од каде било тропањето, џанаци = духови
[5:47] - Поавтентично ќе беше ноќе да дојдеме - МРТВ дава дневница, не ноќница
[6:07] - Не знам дали биле духови или магнетни полиња - џанаци = магнетни полиња
[6:22] - (се затвори врата) - Се преплашивте навистина? Децава се похрабри од вас.
[7:21] - Стоиме пред дрвото кое според легендата некогаш постоело во куќата - Штом стоиш до факинг дрвото не е легенда, си постои!
[7:30] - Овде се наоѓа бунарот, она несреќно место за девојчето  - 5 метри е од куќата, како успеала да се изгуби девојката? Ставам кладба 100 денари дека отишла бегалка. 
[8:26] - Милена требаше да дојде денес, таа живее во Данска, ама не се појави  - Живее во Данска АЛО!
[10:32] - Го чекаме м-р Константин Кајшаров  - Константин Кајшаров? Дечкото од статијата на Викса? Музика од Adams Family во позадина?
(фотомонтажа од Мастер Константин како ја буди светлината во луѓето)
[11:58] - Влегуваме со Мастер Константин во куќата на стравот  - Влегуваме со Медо во КП дом Идризово
[13:00] - Прибевалиште (?!) на изгубени души  - Исто како на Фејсбук
[16:02] - Оваа дупка е манифестација на еден енергетски проток која што има деструктивен набој  - А каква набој има дупката во твојот газ?
[16:22] - Овој дел е вртлог на една ниско фреквентна енергија, една трансмитерна станица, засилувач - Тино и исконскиот занает на користење на фенси зборови за да звучиш попаметно
[17:07] - Куќата има 7 ѕида, ама еден не се брои бидејќи е врата, 6 ѕида = симбол на саќето - Јас сум спиел со 100 жени, ама бидејќи последните две се нули, не се бројат така да сум спиел само со една.
[19:50] - Духовите (2+) се подесуваат на фреквенцијата на столчето - Мастер или Магистер Константин?
[21:12] - Демони, претставници на темната страна со низок поларитет - Поларитет? 
[21:21] - Демоните одат во подинамични и фреквентни места, како трговски центри каде што има многу поголеми атеисти кои немаат заштита и лесно можат да ги опседнат - А верниците каде одат на шопинг? Рамстор - храм на атеизмот

Единствен "мастер" во целава епизода е Ари - монтажерот. Без неговите хорор звуци, ноќна визија и негатив ефекти емисијава ќе беше како епизода на Дом и Дизајн.
Секако тоа не ги спречува луѓето во коментарите да го бараат Тино за поправање на дупките во нивната куќа (читај: логика).

Секоја млада личност барем еднаш во животот си има ветено дека никогаш нема да стане како неговите/нејзините родители. Многу нормално, зашто би сакале да созрееме во личности кои кукаат за некое минато време, не разбираат што значи отворена врска, мислат дека марихуаната е дрога која се става во пијачката и имаат мерак за сакоа со потпунки?
За жал, статистички гледано многу е веројатно да станеме како нашите родители,

Крушкава ќе падне каде?

секако со одредени прилагодувања според времето и општеството во кое живееме.
Меѓутоа постојат фактори како домашно воспитување, одредени навики, размислувања и ставови кои толку длабоко се програмираат во нашите мозоци при процесот на воспитување од страна на нашите родители што е речиси невозможно да ги промениме и истите ќе ги пренесеме и на нашите деца.
Лошата работа е што дел од овие нешта или базираат на апсолутна лага или се тотално неприменливи во реалниот свет. Нешта како: