6 предмети кои треба да се учат во училиште

Дел од убавината на животот е фактот што сите имаме различни гледишта за една иста работа. Можеме конструктивно преку дебата или неконструктивно преку коментари да се објаснуваме и докажуваме за тоа кој е поголем патриот, дали општина Аеродром конечно ќе им купи титула на МЗТ или дали мажите треба да добиваат, меѓутоа сите се согласуваме за едно прашање - треба да имаме квалитетно образование.

И повеќе цицки во секојдневието

Без да навлегуваме во детали зашто образованието е екстремно важно и зашто според сегашниот модел степенот на образование воопшто не говори тоа дали индивидуата поседува здрав разум, еве неколку предмети кои доколку би се учеле во текот на образованието јас немаше да го пишувам блогот:



6. Историја на религија

Ако го читаш ова најверојатно си атеист или веруваш во "нешто ама не знам што". Таа е демографијата што ги чита моите постови.
Kолку и да не е потребен Господ за објаснување на универзумот (според Occam's Razor), многу е важно од мали да ја изучуваме историјата на религиите (множина!) бидејќи многу грешиме ако негираме дека истите имале огромно влијание врз целиот наше постоење.

Исто како што Боки 13 има огромно влијание врз плимата и осеката

Ова не е нешто ново, Бирото за развој на образованието во својата програма за основно образование вклучува изборен предмет Запознавање со религиите. Меѓутоа има неколку проблеми со ова:

1. Се сомневам дека историјата ќе биде секуларно презентирана или нема да постои пристрасност кон одредена религија.
2. Познавајќи ја подвоеноста на македонското општество, родителите - патриоти ќе го бираат овој предмет, додека родителите - предавници ќе ја бираат поблагата алтернатива Класичната култура во европската цивилизација.

Една од најголемите грешки на образовниот систем е што не успева да го научи младиот ум за цикличноста на општествените појави  т.е. фактот дека секогаш ќе ги повторуваме истите грешки.
Екстремистичкиот ислам се јавува како последица на европскиот колонијализам. Турција ја олабавува строгата секуларност дефинирана од Мустафа Кемал. Патриотизмот кај нас не беше толку изразен пред 2001 година. Знаењето како религијата ги придвижува овие општествени појави ќе ни биде од огромна корист следниот пат кога ќе сакаме да шириме верска омраза во коментарите на YouTube.

5. Домаќинство

Предмет што нашите родители задолжително го слушале во облик "како да го зашиете чорапот на вашиот маж додека се вари гравот", денес се вика Вештини на живеење во облик "не биди вол драчевски, спржи си јајца, ќе заглави мајка ти на работа и ќе останеш гладен". Според описот на предметот се учи како да готвиш, како да поправиш ситници низ куќата, кога е најдобро време да скокнеш по крстот и најважно од се да дознаеш кога мушмулите се зрели за јадење.

Девојките се возбудуваат на непотребно знаење.

Можеби звучи како нешто што секој го знае од општа култура, ама колку од вас знаат дека ако ја закачиш кошулата во купатилото додека се тушираш ќе се "испегла" од пареата или дека алкохолниот оцет можеш да го користиш на многу повеќе начини отколку твојот пенис?  
Фино што бирото за развој на образованието го вклучува и овој предмет, ама кој би избрал миење садови преку Проект од областа на информатиката што во превод значи "семинарска за Фејсбук од 6 страни со 32pt фонт"?
Во случај да читате статија за образование, меѓутоа ве мрзи да читате тоа што има во линковите еве нешто што најверојатно не го забележавте: "да се оспособува да бара фискална сметка за секој купен производ." Да, освен што ќе научат нашите деца како да сменат сијалица, ќе научат и како да се борат против сивата економија. Исто така никогаш нема да се најдат во ваква ситуација, бидејќи од старт ќе бидат домаќини.


4. Секојдневни работи

Предмет тесно поврзан со претходниот, во смисла на употребливоста на работите кои се учат. Разликата помеѓу ПП10 и ПП50 образец повеќето од нас ја учат на тешкиот начин, чекајќи на шалтер и прашувајќи што значи ЕМБГ додека слушаш пцовки од луѓето кои чекаат во ред. Колку пати сте виделе презентација со слајдови кои исклучиво содржат текст со големина 12pt?

Немој да ме јебеш!

Ќе си речете, па да ова се случува во средно кога сеуште не ти е јасен концептот на пренесување на порака, ама НЕ! Ова се случува на факултет, ова се случува кога фирма држи презентација за инвеститорите.
Еве уште пар работи што сметам дека е добра идеја секој човек да знае:

• Како се става документ во перфорирано кесенце 
• Како сам да си го средиш компјутерот
• Како се избира лозинка за e-mail/Facebook/Twitter
• Како се пишува молба/барање
• Зашто е ретардирано да се покриваш со две јамболии додека имаш температура
• Како да забележиш дека иде воз во твоја насока додека си возиш трактор

Можеби е непотребно да се дискутира за овие работи на училиште бидејќи се учат кога ќе се јави потреба за нив, ама исто така непотребен е и фактот колку овци имала Бугарија во 1998 година со таа разлика што првите се користат во реални ситуации. 


3. Веројатност и статистика

Во случај да мислите дека предлозите за предмети кои треба да се учат се однесуваат само за основно образование, ќе мора да ве поправам. Некои теми (како религија) бараат одреден степен на развој на личноста за да можат во целост да се сфатат. Друга таква област е веројатноста/статистиката со која просечниот македонски ученик се среќава дури кога ќе стане студент.

Паралелно се среќава со терминот "Пола месец на паштета"

Постои движење во научните кругови, според кое врвот на сите математички знаења што ги стекнуваме во текот на нашето образование не треба да биде калкулусот, туку веројатноста и статистиката бидејќи последното има секојдневна употреба. Знам дека е тежок концепт за разбирање, ама истото го знаат тие што ги прават казината, билтените или игрите на среќа и знаат како да го искористат нашето незнаење.
Ако се дошле до тоа дереџе да читате електронски книги, тогаш слободно прочитајте ја оваа, ќе ви користи следниот пат кога ќе смувате убава девојка и ќе мислите дека сте го фатиле Господ за муда или кога ќе донесувате одлука дали да се откажете од патување со брод бидејќи некој капетан решил да мафне на пријателите.


2. Сексуално образование

Дојде и времето кога Медо ќе ви кажува вас за секс. Нема смисла нели? Исто како и останатите потточки од оваа статија. Меѓутоа имајте на ум дека тоа што просечниот читател на Здраворазумен Хејтеризам ги познава овие теми, не значи дека и мнозинството ги знае исто така. Исто е и со реакциите што ги добив за прашањата што се поставуваат на состанок. Ако вие не сте ги поставиле не значи дека воопшто не се поставуваат.
Отворете било која статија на Фемина форумот поврзана со секс или празници и ќе видите дека народот е доста збунет.

Како што македонските медиуми се збунети од http://www.njuz.net/

Многу би било полесно секојдневието ако жените знаат што имаат во гаќи, мажите знаат како да го искористат тоа што го имаат во гаќи и сето тоа без да има потреба од пелени во скоро време.
Да бидеме реални, луѓето се ебеле воделе љубов од секогаш, водат љубов додека ја читате статијава и ќе водат додека постоиме бидејќи тоа е основата на репродукцијата (плус е многу јако!). Бидејќи не можеме да ги спречиме луѓето да се пердашат, можеме барем да ги научиме на основни работи за да нема потреба да се читаме по весници.


1. Еволуција

Еволуцијата треба да биде посебен предмет, одвоен од Биологијата кој задолжително ќе се изучува во текот на образованието. Неприфатливо е во едно модерно општество да постојат луѓе кои ја оспоруваат оваа научна теорија.
Зашто треба да се изучува? Бидејќи дава одговори за разлика од бруцош на колоквиум. Зашто имаме слепо црево, зашто бактериите стануваат поотпорни на антибиотици, зашто девојките се привлечени од мажествен мирис, а мажите од цицки, зашто танцуваме и зашто Лила плаче се дел од многуте прашања на кои теоријата за еволуција дава одговор.

Меѓутоа не и на прашањето зашто Јупитер влегува во вашата трета куќа

Теоријата за еволуција не треба да биде изборен предмет бидејќи не е прашање на избор. Или ќе избегаш од факинг мечката и ќе го пренесеш својот генетски материјал или нема. Не преживуваат ниту најсилните, ниту најпаметните туку оние кои доволно брзо се адаптирале на промените за да можат да остават потомство.
Фактот што на некои луѓе им е смешна идејата дека човекот и мајмунот некогаш имале заеднички предок, не ја побива теоријата, туку едноставно говори за нивната незаинтересираност во потрагата по одговори. Многу е полесно да веруваш во чуда, отколку во ужасно долг процес на пренесување и менување на генетски материјал во зависност од безброј фактори и случајности, меѓутоа има разлика од тоа што сакаме да веруваме и тоа што реално се случува, па најубаво да си почнеме од мали да ги прифаќаме законите врз кои се базира нашето постоење.

Tweet