Кога бев седмо, купив „женско“ списание прв пат, заради биографија на некои глумци. Желбата да поседувам што е можно повеќе шноли и венчиња (кои нема да ги употребам реално) ме натера да го купувам списанието во следните 2 и кусур години, секој месец, религиозно. И да си правам плетенки понекогаш.
После помалку од деценија, единствениот текст на кој што се сеќавам од тоа списание е текстот во кој се даваа „совети“ како да бидеш принцеза ли, совршена ли, нешто така. Во неколкуте поднаслови имаше дадено пример дека иако дечко ти е на смртна постела во болница, ти не смееш да си дозволиш да изгледаш ненаспано, со подочници или не дај боже растурена и (пу-пу) помрсна коса. Треба да си отидеш од болница, да се средиш убаво, па после ако можеш да се вратиш да видиш дали ближниот сè уште дише или не. Разбирливо е да отспиеш ако си седел 2+ дена во болница и нема веќе душа у тебе, но не беше напишано тоа во стил „одмори се, си имала напорен ден и ноќ и си под стрес“, туку „оди дотерај се , иако љубениот ти е на умирање. Што ти е гајле, твојот живот не е на стенд бај, неговиот е“.
Тоа беше последниот број што го купив. Не е дека не се оптоварувам со изглед и не мислам некогаш на мода и детали (ми се случувало да не излезам од дома само затоа што блузата не ми била доволно деколтирана, или обетките не ми одговарале на ролката, а ако немам лак на ноктите ко да сум гола), но ова што го гледам по списанијава, за мене бар, е просто неподносливо.
Ја имав честа да го купам новиот број на Unique. Давале поклон, па се потрошиле, па и јас да сум побарала. Сеедно. Епа, кога веќе го купив, ајде да го прочитам (во листа, за хејтањето да има појак ефект):
6. Вовед
|
||
|
|
|
||
|
|
5. Љубов и
секс (нема разграничување)
- Кога ќе ве прекинат... рестартирајте ја акцијата. Како да бидеш доволно тивка за да не ти е незгодно од мајка му во другата соба, ама доволно гласна за тој да знае дека те возбудува. Пошто тоа што му стенкаш во скут и твоите цицки му се перници не е доволно.
- Вашето тело вели ЉУБОВ. Румени ми биле образите. И срценца ми летаат над главата, ама ако го кажат тоа ќе ги прогласат за луди. Јас битно си ги гледам.
- Состанокот што ќе ја зацврсти вашата врска. „Наместо нова долна облека, понесете го слухот и емоциите.“ Или не носете долна облека. Или облека воопшто. Нешто ќе се зацврсти, сигурно.
- Сакајте го повеќе, имате зошто. Двете изџвакани страни текст (како и многу други страни текст) можеле да се решат многу едноставно - затоа што е убаво да сакаш. Затоа што си човек, имаш разбирање и сакаш да си среќен. Нема потреба од комплицирање на работите, ниту пак од „најнови истражувања“ дека ако го бакнеш ближниот кога си нерасположен и двајцата ќе се чувствувате подобро
4. За
посилниот пол
Пример:
„10. Не, коњакот не е позабавен од вас, проблемот е во тоа што премногу му се допаѓате. Срамежливите и несигурни мажи секогаш се кријат зад чаша полна алкохол. Иднината со ваков човек носи мир, но и несигурност.
17. Ако преферира тесни, класични гаќи, тогаш тој е премногу самоуверен и не се плаши да покаже што има. Верува во своите сексуални способности и моќ на заведување.“
- Машки аспект за „Валентајн“. Не. Тоа е едно „клише за“ и едно „клише против“ со машки имиња под параграфите. Нормално, секој ден си ги сакаат поубавите половини, тоа мора да е заклучокот.
- Мажи vs мода. Тројца расправаат дали Андријана Лима е добро или лошо облечена. После и Unique си го дава своето стручно безвирусно мислење (комбинацијата не била доволно гламурозна ко за неа, ако баш ве интересираше). Сериозно? А дали како и 99% од популацијата би сакале да ја видат соблечена?
|
||
|
|
3. „Бољи“
живот
- Оставате ли добар прв впечаток? Нормално, не би било списанието комплетно кога не би имало тест. Тестот има точно 5 прашања, од кои две се поврзани со Facebook (кај што веќе немам профил), а на сите 5 би одговорила различно од понудените три одговори. Доволно за психолошки профил? Па да! Every problem has simple, fast and wrong solution.
Пример:
„Налетувате на бившиот со кој не сте разговарале долго време... и неговата девојка. Што правите откако ќе ве претстави?
а) Велите: Здраво, Филип сигурно ти кажал која сум, имавме доста сериозна врска;
б) Срдечно се поздравувате, и се извинувате бидејќи ’имате нешто закажано’;
в) Ги прашувате како им оди и предложувате заедничко излегување.“
|
||
|
|
- Што ја мачи твојата коса. Не го прочитав. Во тој момент најверојатно би ја мачеле моите раце кои ја кубат. Среќа врзана ми беше.
- Хороскоп. Јас сум течен сапун, со RAM во подзнак. Тоа е.
2. Спам
|
||
- Додека стигнав до патеписот и тие 2-3 статии што изгледаа пристојно, немав веќе желба да читам.
1. Целна група
|
||
Нема ништо лошо во реклами (освен кога прекинуваат турски серии а не се вести со Латас). Целта на ваквите списанија (бар така викаат) е да ги приближат луксузите на (пример) Џенифер Лопез на „обичните“ девојки и жени. Односно - студент сум, што не значи дека не треба и не сакам да се облечам убаво и да имам асолна пудра. Кажи ми која и каде да ја најдам, ама да не мора да продадам бубрег. Ако сè е во деталите, кажи ми каде да ги набавам а да можам да си платам после автобус до дома (и евентуално леб и струја). Не ми треба списание во кое покрај препораките за однесување на интервју за работа ќе стави симпатично облаче со „идеални за на работа“ (демек, професионални и дискретни) - прстен од 45100 денари и часовник од 330000 (со букви: триста и триесет илјади денари). Ало, молам?! 330 000 денари?!
|
||
|
|
Позади мене во продавницата стоеја неколку девојчиња, основки. Едната во позиција „чајник“ и чинчила-елече благо вознемирено им соопшти на другите дека „леле-се-потрошило-и-тука“. Искрено се надевам дека тажат за поклонот во каталогов. Инаку, Херкулов тука ќе се размножи со некоја ко нив. А тогаш ни формат не помага.
Авторот е девојче кое ги поправа компјутерите на нејзините дечковци. Елена сака обетки, марами и венчиња со мала панделка. Обожава црни тесни фустани со гол грб или чипка и црни салонки со црвен ѓон. Форматира гола (бидејќи чека да и се впие self tanning кремот).
За здраворазумно-технички твитови следете ја Елена на Твитер.
