Секој што некогаш чекал во ред повеќе од ич бил гневен на бирократскиот систем. Бирократија по дефиниција е владеење на масата и тоа не масата како народот (во тој случај би било демократија), туку владеење на масата како тоа што го купувате од Икеа во Солун за 5 евра.
Секако ова е не е ни приближно до вистината, ама не можеме секогаш да пласираме вистина во јавноста.

И така деца настанал ПиАр-от

Чекањето ред во банка за да отворите Медо Штедо сметка, во пошта за да платите струја, во болница за да се тестирате за ХИВ/СИДА, во Сарај за да влезете во подрумот каде што се одржуваат борбите со петли или не дај Боже во некоја државна институција за да ја направите најтривијалната работа на светот, претставува едно макотрпно, но истовремено и просветлувачко искуство.
Еве што научив додека чекав во ред во филијалата на Тутунска Банка во Лептокарија:

Секој буљаш што рекол дека Македонија не е земјата на иновациите е буљаш!
Генијалните умови позади забавната програма на нашите национални телевизии дојдоа до брилијантна идеја:
Зашто да се замараме со облекување купаќ, па тоалета, да учиме англиски или воопшто да одиме по некоја писта кога она што ни треба го држиме во нашите раце. 

Тоа секако е маус

Дами и господа, Бекстејџ и Модното Студио Црнокрак по иницијалниот успех на нивната "Купи коњ според слики од неговите заби" одлучија (нов ред, капс лок)

ИЗБОРОТ ЗА МИС НА МАКЕДОНИЈА ЌЕ СЕ ОДВИВА ПРЕКУ ФЕЈСБУК

Бидејќи луѓето повеќе се мањаат отколку што се бањаат (@Kristijan9)

Дали сакате да бидете единствена помеѓу илјадници други? Премногу се грижите за вашиот изглед, имате гардеробер кој зафаќа половина од вашиот стан и тон фотографии кои воодушевуваат?

- Избор на убавина е ова, не конкурс за академици

Малку статистика:

• Бројот на македонки на Facebook брои:400,600

• Бројот на македонки на возраст од 15-25 години: 265,500

• Мажи кои треба да гласаат за најубавата македонка:537,040

 - Има многу македонки на ФБ, се што е под 15 е мало, се што е над е грдо
 - Има повеќе мажи, меѓутоа не се поделени по возраст бидејќи сите мажи од 7 до 77 години сакаат да гласаат за 15 годишно девојче

Да ја разгледаме Фејсбук апликацијата:

Уште не почнати ме молат за лајк

Основните информации најверојатно за да видат дали сум машко и треба да мањачам или женско и треба да се слика.
Да ми праќаат мејл најверојатно за да ме информираат што прилози ќе има во следната емисија на Бекстејџ.
Да постираат наместо мене во случај да заборавам секојдневно да ги спамирам моите пријатели.

Можам јас да прикачувам слики? Нели ви дадов дозвола да проверите дали имам патлак, зашто не го искористите тоа? Зашто секој што ќе стигне може да става слики.
Ајде да пробаме, ќе ја ставам "Чај са Медом" сликата откако ги прочитав правилата за користење кои на кратко се каков и куршлус (краток спој на германски) да се случи, тоа е без исклучок ваша вина и организаторот не презема никаква одговорност.

Обичен момак

Мис на Македонија

Драги читатели! До сега го читавте овој блог, можеби се забавувате, можеби научивте нешто ново, можеби се навредивте ако сте од Аеродром и/или имате тетоважа и сигурно не променивте ниеден став поради пишуваното.
Дојде време кога треба да ми помогнете и тоа не да станам КРАЛ НА МАКЕДОНИЈА туку

МИС НА МАКЕДОНИЈА ФЕЈСБУК 2012 (со следење на инструкциите во линкот)

Моментално сум на 328 место, меѓутоа мислам дека можеме да постигнеме многу повеќе додека не ме дисквалификуваат.

Најверојатно до сега веќе се запрашавте како изборот на МИС НА МАКЕДОНИЈА ФЕЈСБУК 2012 го решава спорот со името?
Зашто да додаваме географски одредници кога можеме да додадеме социјална одредница!
Република Македонија, Фејсбук

Не ви се допаѓа власта? Не ви се допаѓа тоа што Калиопи оди на Евровизија? Не ви се допаѓа тоа што Боки 13 сеуште има македонски државјанство?
Само еден лајк не дели од решавање на сите проблеми! Вива ла Бекстејџ, вива ла Револуцион!

Епилог:
Прашање на време беше кога организаторите ќе приметат дека неко меѓу нама није наш и ќе ме отстранат од изборот. Тоа се случи откако собрав 194 гласа кои ми го донесоа заслуженото 15-то место :)))

Ivan Medo Dimoski ain't nothing to fuck with

Меѓутоа ова беше повеќе од забава. Ова демонстрираше дека изборот за Мис нема никаква врска со убавината и личноста (а очигледно и полот), туку способноста кандидатите да собираат гласови преку масовно спамирање.
Тука се виде моќта на социјалните мрежи каде што огромен дел од моите пријатели споделуваа и молеа за гласови за да докажат колку сето ова е ретардирано.
На нив сум им вечно благодаран, се надевам дека се забавуваа!
Македонија секогаш си имала проблеми со изборите, дали се тоа парламентарни, претседателски, евро-атлански, евровизиски, избори за убавина итн. Се надевам ова ќе го искористиме како негативен пример и ќе престанаме да ставаме кандидати на кои не им е местото на тие избори!

Што и да следи после епилогот:
Денес ги објавија 10-ти финалистки на изборот за Мис на Македонија преку спамирање на вашите другарчиња.
Можете да забелешите дека првата победила со 2,472 гласа. Погоре во текстот стои дека Македонија има 537,400 мажи и 400,600 жени кои може да гласаат што доведува до заклучок дека дури 0,26% од проектираната целна група гласале за првопласираната.
Браво Бекстејџ! Се гледа дека сте ултра популарни!
Јас од друга страна освоив 194 гласа пред да ме дисквалификуваат и тоа за неполни 6 часа. Тоа значи дека сум освоил 0,02% од гласовите.

За 0,24% не станав Мис на Македонија!

Можеби статистикава е малце извадена од контекст, ама не ме праќаат во Кина за да решавам задачи, ме праќаат да вратам круна! Мислите дека не можам?

Еве го газот на една од учесничките

Еве го мојот газ за 1ви Април

Поздрав!

Кога бев средношколец си дадов ветување дека еден ден кога ќе бидам родител, ќе бидам полн со разбирање за нив додека поминуваат низ пубертетот.

Нема да им кажувам доста седиш пред компјутер, исшишај се, не спиј до 3 попладне, жените треба да мијат садови, избричи го тој адолесцентски брк итн.

Можеби за последното имале право

Нема да гледам црно-бело на работите, нема да давам со демагогии и нема да користам тактики за заплашување. Со еден збор нема да бидам Латас.

Ни 5 години не поминаа откако матурирав, а веќе мислам дека тоа е најглупавото нешто што некој може да си го вети. Поглупаво дури и од ветувањето дека ќе одржувам контакт со сите другарчиња со кои сум ги делел клупите во Карев.

Не дозволувајте да ве прелаже мојот твитер аватар, јас мразам средношколци и бидејќи мојата последна научна статија не помина најсјајно, ќе ви образложам зашто е тоа така користејќи шпекулации, неосновани тврдења, навреди и хиперболизирани примери.

Со еден збор ќе бидам Латас:

Денес се објави вест дека Фејсбук ќе се изгаси за три дена.

Сите што поверуваа се ретардирани!

Скопската чаршија е прекрасно место. Сплет на повеќе култури, контраст на симбиотски соживот и етничка нетрпеливост, егзотично место каде што законите не важат и место каде што можете да го сретнете Мирко Попов додека јадете тоа што нема во Охрид - симит погача (има албино Турчин во видеово).
Поради некоја чудна причина скопската чаршија е зборно место за хипстерската авангарда (не знам ни дали постои ваков термин),

Или како да се нарекуваат оние кои мерат курци според дебелината на нивните рамки

која сака да се откачи од политизацијата, простал'кот и останатите епитети кои можете да ги додадете на оние кои излегуваат во Ванила.
И тоа е се кул, убаво е да се слушне мислење кое е прогресивно, марксистичко и останатите епитети кои можат да ви ги додадат ако не излегувате во штаб на О.К.
Меѓутоа некои работи се меинстрим поради тоа што имаат логика и одењето контра нив чисто само затоа што се меинстрим те прави во најдобар случај Џејмс Дин во најлош нездраворазумен.
Едно такво мислење што го слушнав пред некое време е дека треба да за забранат генетски модифицираните организми (во контекст на тоа што јадеме) бидејќи не е природно да си играме со природата.
Еве зашто тоа е апсолутна глупост:

Последниве неколку дена размислував за пронаоѓање на математички метод кој ќе помогне при одлучувањето дали некој/а кој/а испратил/а (во понатамошниот текст личноста) барање за пријателство на Фејсбук треба да се прифати.
Фејсбук во принцип е социјална мрежа за најблиските пријатели (15.000 во случајот на Мелитка), каде што профилот дава доста реална слика за нашиот карактер

Најчесто дава реална слика

и како што би рекла Јована Тозија на својот блог:

"Не додавам луѓе на ФБ ако не се знам лично со нив. (Има исклучоци, но ова важи во 99% од случаите) На другите социјални мрежи стојам на располагање."

Затоа развивам екстремно сексистичка, неправедна, површна, дискриминаторна равенка (повеќе квиз отколку равенка) која и покрај се треба да нуди практичен одговор дали треба да се прифати ново барање за пријателство или не.

Упозорење: Равенката е уште во бета фаза: фалат у фактори, сите тежини не се правилно распределени и не дава сигурни резултати. Затоа не бидете цепидлаки, сфатете го ова како забава и помогнете да се надгради преку коментарите.

Почнуваме:
Равенката претпоставува дека не сте родени вчера и тие што треба да ви се пријатели веќе ви се пријатели (секако може и да се примени при бришење/филтрирање на пријатели).
Ова се однесува на поканите кои се резултат на тоа што запознавате нови луѓе, обновувате пријателства, пишувате блог и ви треба публика, читате блог и сакате да видите што клошар е тој што го пишува итн.

На почетокот почнуваме со 100 поени/проценти/гравчиња и додаваме/одземаме според фактори кои имаа своја тежина. Ако во моментот кога престанеме со калкулирање на факторите добиеме резултат над 50 тогаш најверојатно треба да ја прифатиме таа личност како пријател, во спротивно најверојатно не треба да се прифати.

Основното прашање е дали лично ја познавам личноста?
Очигледните одговори се ќе ја прифатам ако ја знам, во спротива ќе ја одбијам/игнорирам.
Меѓутоа не е толку едноставно, па затоа ќе ги разгледаме двата случаи одвоено:

1. Ја познавам личноста

• Дали секојдневно ја среќавам личноста?
  Ако одговоривте да тогаш веднаш прифатете ја личноста
• Дали личноста е дел од вашето семејство?
  Ако е од поблиско семејство веднаш прифатете ја личноста во спротива додадете 30 поени
• Дали личноста е од ист пол?
  Ако одговоривте да одземете 20 поени
• Од кој степен на животот ја знаете личноста?
  пр. Ако моментално сте вработен/а на второ работно место, степен пониско е првото работно место, степен после тоа е факултет, па средно, основно и градинка. За секој степен подолу од моменталниот ваш степен одземете 10 поени
• Колку заеднички пријатели имате?Ако имате помалку од 10 одземете 10 поени, а за секои наредни 10 заеднички пријатели додадете 5 поени (пр. 40 заеднички пријатели = +20 поени)
• Дали имате сличен вкус?
  Ова може да го утврдите музиката што ја споделуваат, страните кои им се допаѓаат, партијата на која припаѓаат итн. Оценето го вкусот во интервал од -10 (дијаметрално спротивен) до +10 (ист) според тоа колку информации можете да видите од ѕидот
• Дали се гледате често?    
Одземете 1 поен за секој поминат месец откако последен пат сте ја виделе личноста

Следниот дел е само за личности од спротивниот пол

• Дали личноста ве привлекува физички?
  Додадете 10 ако одговоривте потврдно. Одземете 10 ако апсолутно ви е непријатна на изглед
• Дали личноста е во врска?
  Одземете 10 ако личноста е во врска, одземете 20 ако личноста е во брачна заедница
• Дали некогаш сте сакале или сте правеле нешто со таа личност?
  Додадете 10 поени ако сте имале некакви чувства за таа личност.

2. Не ја познавам личноста

Иако истите фактори фигурираат и во овој случај, тие имаат различни тежини прилагодени на ситуацијата:

• Дали личноста е од ист пол?
  Ако одговоривте да одземете 40 поени (колку нови другaри/ки ви требаат во животот)
  
• Колку заеднички пријатели имате?Ако имате помалку од 10 одземете 20 поени, а за секои наредни 10 заеднички пријатели додадете 5 поени (пр. 40 заеднички пријатели = +20 поени)
• Дали имате сличен вкус?
  Исто во интервал од -10 (дијаметрално спротивен) до +10 (ист) според тоа колку информации можете да видите од ѕидот
• Дали се гледате често?    
Ако се сретнувате во дискотека, Излет, штаб и сл. од време на време додадете 20, во спротивно одземете 20

• Дали личноста е позната?Ако личноста е позната додадете 20

Следниот дел е само за личности од спротивниот пол

• Дали личноста ве привлекува физички?
  Додадете 20 ако одговоривте потврдно. Одземете 20 ако апсолутно ви е непријатна на изглед или одземете 10 ако не можете да утврдите од сликата на профилот
• Дали личноста е во врска?
  Одземете 20 ако личноста е во врска, одземете 40 ако личноста е во брачна заедница
• Дали некогаш сте сакале или сте правеле нешто со таа личност?
  Додадете 10 поени ако сте имале некакви чувства за таа личност ако не ја познавате лично (пр. сте ја виделе во град)

Се додека сте над 50 поени во математикиве тогаш се на прав пат за стекнување нов Фејсбук пријател колку и тоа да звучи тривијално.
Повторувам, не е финална верзiја, ќе има проширување и балансирање.
Се надевам дека ќе ми пишете предлози или личен пример дали ова воопшто работи!

Погледнете ја оваа наша анти-абортус веб страна (благодарение на Влажни Марамици) и бидејќи е сериозна тема погледнете го и нивниот Твитер профил како и нивната Фејсбук група.
90% од постовите на оваа група се од Христијански портал, ова ќе биде забавно!

Доказ дека Господ е против абортусот

Да започнеме со описот на страната:

"Од сите благодетни дарови со кои Бог го дарувал човекот, највозишен е дарот на љубовта."

Сама по себе реченицава е доволен индикатор дека се што ќе прочитате се апсолутни глупости, меѓутоа не дозволувајте мојата (не)верба да ве одврати од апсолутните вистини и големите букви после запирка презентирани на оваа веб страна:

"Неинформираноста за сексу-алното и репродуктивното здравје е главна причина за донесување на одлука за абортус."

Не! Главна причина за абортус е тоа што мајката/родителите не сакаат да родат дете или не се во можност на истото да му пружат нормални услови за раст и развој.
Исто така може плодот да е зачнат од сексуален напаѓач, да има психо-физички инвалидитети кои можат да се откријат за време на бременоста (наука човече!), родителите да не сакаат да донесат дете на свет каде што турски серии се главна преокупација на народот додека се околу се распаѓа гради...

"Како последици од абортусот се јавуваат траен стерилитет, Rh - сензибилизација, трајно отстранување на матката..."

Ова е точно, постапката има ризици ако не се извршува од професионалци во строго контролирани услови.
Исто така постои ризик од хипервитаминоза (види кометари за дополнување!) ако неправилно внесуваш C витамин во своето тело.

"...а многу често доаѓа и до смрт на бремената жена."

Добредојдовте во светот каде што авторите цитираат факти директно од нивниот газ. Или од 19ти век.
Ајде да причитаме реални факти: (извор1, извор2)

"The risk of abortion complications is minimal: Fewer than 0.3% of abortion patients experience a complication that requires hospitalization"

Помалку од 0.3% ?!
Не верувате на моите извори? Ајде да наведеме извор кој е наведен на вашата веб страна:

"In 2008, approximately 1.21 million abortions took place in the U.S."
"In 2007, 6 women died as a result of complications from known legal induced abortion (CDC)."

Освен ако во 2007 не абортирале 5 жени, шансите да умреш од легално изведен абортус се 6 во милион и кусур. Чисто за споредба шансите да те удри гром се 1 во 280 000.
Меѓутоа да ги оставиме бројките и фактите кои очигледно не се ваша добра страна, да обрнеме внимание на економскиот аспект на абортусот:

"Намалувањето на бројот на живородени во Европа доведува до стареење на населението, а со тоа и до нерамнотежа во опшествената пирамида."

Дап, решението на економската криза во Европа е да раѓаме што е повеќе деца. Стигнавме до дното на пирамидата каде што нема повеќе луѓе да ги издржуваат оние на повисоките нивоа и вашето решение е да раѓаме повеќе луѓе.
Ја додаваме и економијата во темите кои ви се апсолутно непознати. Одиме сега на правото:

"Отсуство на морална и правна заштита на плодот и гаранција на неговиот живот ги прави бесмислени сите декларации за заштита на животот!"

Тоа што предлагате е абортусот да стане кривично дело - убиство, така?
Нели е доволно што нашите избраници одлучуваат како се трошат нашите пари, вие сакате да одлучуваат и што смееме да правиме со своето тело?
Можноста да го планираме семејството е една од најголемите придобивки на нашето општество, бидејќи овозможува да основаме семејство кога навистина ќе бидеме подготвени за тоа.
Знам дека следното е тешко за разбирање, бидејќи не можете да погледнете поделку од вашиот бог/национализам меѓутоа криминализирањето на абортусот сноси последици како зголемување на криминалот (Roe v. Wade) бидејќи ќе се раѓаат деца кои нема да бидат правилно израснати бидејќи родителите ќе немаат опција да абортираат и родат кога ќе бидат подготвени (нема да можат да полагаат за возачка на 16 години),  па се до драстично зголемување на морталитетот на идните мајки кои ќе бидат принудени да абортираат во нелегални ординации од луѓе кои не се професионалци бидејќи абортусот ќе биде нелегален.

Анкетата за фасадата беше поинтересна

Ме интересира колку од овие се против абортусот (читај: убиството) би поддржале смртна казна. Ама тогаш е оправдано, нели? Убиваш непоправлив криминалец, а тука убиваш фетус.
Тука е целата работа околу абортусот, сите други здравствени, економски, правни последици се минорни во споредба со тоа дали е морално да се прекине човечки живот.
Не би знаел бидејќи и јас не сум на чисто со тоа дали е морално или не, меѓутоа тоа што знам е дека:

Без разлика дали се работи за ставање на тетоважа, абортирање, па дури и нудење на сексуални услуги за пари ЖЕНАТА ИМА ПРАВО САМА ДА ОДЛУЧУВА ЗА СВОЕТО ТЕЛО се додека е свесна за реалните ризици и последици.
Се друго е неприфатливо!

Бонус: Движењето против абортус победува во Америка. За жал и движењето дека Земјата е стара 6000 години победува во Америка.

Ви се допадна прозорчето што ви се појави и ве замоли да ја допаднете Фејсбук страната на Здраворазмен Хејтеризам?
Секако дека не! Зашто воопшто на некој би му се допаднало?

(прозорчето скока само еднаш, ако веќе ви скокнало и поради некоја чудна причина сакате повторно да ви скока исчистете ги колачињата од вашиот пребарувач)

Договорот беше да прочитате статија со просечен хумор, пар стереотипни заебанции за населбите од кои потекнуваат бившите на авторот и можеби во процесот да научите нешто здраворазумно, а не да ми искачаат прозорци кој ќе ви прават спам на ѕид. 

Добредојдовте во светот каде што ова се учи на факултет

Додека сме на тема спам, исто така искочија апсолвентските таблоа за 2012, спремајте се за допаѓање (оваа година има 3ца повеќе хипстери од лани).
Кога го почнував блогот ги прочитав сите можни "Како да стигнете до 100.000 фанови", "Совети за поуспешна социјална интеграција", "Трикови за добивање сендвич после секс" за да сфатам дека кога повеќето ќе се применат во нашето секојдневие едноставно нервираат.
"Трикови" како: